ଜ୍ଞାନୋଦୟ ଯୋଜନା ରେ KG ରୁ PG ମିଳିବ ମାଗଣା ଶିକ୍ଷା
ଓଡ଼ିଶାର ଛାତ୍ରଛାତ୍ରୀଙ୍କ ପାଇଁ ଏକ ବଡ଼ ଖୁସି ଖବର। ରାଜ୍ୟରେ ଶିକ୍ଷା ବ୍ୟବସ୍ଥାକୁ ଅଧିକ ସୁଦୃଢ଼ ଏବଂ ସହଜ କରିବା ପାଇଁ ମୁଖ୍ୟମନ୍ତ୍ରୀ ମୋହନ ଚରଣ ମାଝୀଙ୍କ ଅଧ୍ୟକ୍ଷତାରେ ବସିଥିବା କ୍ୟାବିନେଟ୍ ବୈଠକରେ ଏକ ଐତିହାସିକ ନିଷ୍ପତ୍ତି ନିଆଯାଇଛି। ରାଜ୍ୟରେ ଏବେ କିଣ୍ଡରଗାର୍ଟେନ୍ (KG) ଠାରୁ ଆରମ୍ଭ କରି ପୋଷ୍ଟ ଗ୍ରାଜୁଏସନ୍ (PG) ପର୍ଯ୍ୟନ୍ତ ସମସ୍ତ ଯୋଗ୍ୟ ଛାତ୍ରଛାତ୍ରୀଙ୍କୁ ସମ୍ପୂର୍ଣ୍ଣ ମାଗଣା ଶିକ୍ଷା ପ୍ରଦାନ କରାଯିବ। ଏହି ନୂତନ ସରକାରୀ ଯୋଜନାର ନାମ ‘ଜ୍ଞାନୋଦୟ – ଶିକ୍ଷାରୁ ସମୃଦ୍ଧି’ ରଖାଯାଇଛି।
୫ ବର୍ଷରେ ଖର୍ଚ୍ଚ ହେବ ୫,୪୬୭ କୋଟି ଟଙ୍କା
ଏହି ମେଗା ପ୍ରକଳ୍ପ ପାଇଁ ସରକାର ଆଗାମୀ ୫ ବର୍ଷ ମଧ୍ୟରେ ୫,୪୬୭.୫୫ କୋଟି ଟଙ୍କା ବିନିଯୋଗ କରିବାକୁ ମଞ୍ଜୁରୀ ଦେଇଛନ୍ତି। ଚଳିତ ଶିକ୍ଷା ବର୍ଷରୁ ହିଁ ଏହି ନିୟମ ଲାଗୁ ହେବ। ସରକାରୀ ଏବଂ ସରକାରଙ୍କ ଦ୍ୱାରା ଅନୁଦାନପ୍ରାପ୍ତ (Government-Aided) ଶିକ୍ଷାନୁଷ୍ଠାନଗୁଡ଼ିକରେ ନାମଲେଖା ଫି’ (Admission Fees) କୁ ସମ୍ପୂର୍ଣ୍ଣ ଛାଡ଼ କରାଯିବ।
